Përkrah të vërtetën! (Poezi)

Mos e kundërshto kundërshtarin në çdo gjë që e thotë,
por kundërshtoje vetëm në atë që është e kotë.

Mos e përkrah dashamirin kur është në gabim,
por përmirësoje atë kur është për përmirësim.

Nëse kundërshtari e thotë një të vërtetë,
jepja dorën dhe thuaj: Allahu të shpërbleftë.

E nëse i dashuri yt gabon në ndonjë gjë,
mos e përkrah në gabim por korigjoje atë.

Se e vërteta është mbi të gjithë o vëllau im,
mos të mashtrojë dashuria e të përkrahësh një gabim.

Mos të mashtrojë urrejtja e të kundërshtosh të vërtetën,
por bëhu kështu besnik dhe qëndro tërë jetën.

Me të gjithë sillu me nderë dhe drejtësi,
nëse don në mesin tonë të shohësh harmoni.

Hoxhë Omer Bajrami

Schreibe einen Kommentar

Deine E-Mail-Adresse wird nicht veröffentlicht.